गंध कवितेचा

लग्न होऊन ती सासरी गेलीय.

घरासमोरून तिच्या जाताना, 

खिडकीची चोरटी नजर अजूनही माझ्यावर असल्याचे भास होतात.

 

अंगणातला तिच्या, 

म्लान झालाय मोगरा अन ओसरलाय बहर अबोलीचा.

 

बिलोरी सावल्यांतुनी वेलीच्या, 

दरवळ तिच्या लडिवाळ बटांचा वाहतोय अजूनही.

 

पहिल्या माहेरपणाला आल्यावर, 

तिच्या सौंदर्याच्या शब्दकळा काळजात साठवून घेतल्यात.

तेंव्हापासून कवितेत माझ्या, 

गंध तिचा दरवळतोय....