डेरेदार जुनाट झाड मुळासकट उपसून निघालं
फांद्यावरच्या घरट्यांसकट कोसळलं
गहिवरलेल्या मातीने गर्भातली काही मुळं घट्ट धरून ठेवली
एक अवकाळी पाऊस काय झाला
मातीच्या गर्भातल्या मुळांनी जिंदाबादच्या घोषणा दिल्या.
आता लवकरच आभाळभर अस्मितेनं एक अंकुर फुलून येईल
अंधारलेल्या दिक्कालाच्या सीमेवर तेंव्हा मी उभा असेन, डोळ्यांचे दिवे घेऊन !
- समीर गायकवाड
No comments:
Post a Comment