बनाव

धार शब्दांना माझ्या नाही, वेदनांचा त्यांच्याच हा हुंकार आहे,
लपवू कसे सत्य मी, उसना त्यांचाच हा शब्दसंभार आहे !
शृंगार त्यांचा पुरेसा नाही, गर्द वासनांचा हा काळोख आहे,
सजवू कसे दुःख मी, चिरडल्या कळ्यांचा हा बाजार आहे !
निर्वस्त्र रात्र सरतच नाही, फितूर नशीबाचा हा अंधार आहे,
फुलवू कसे निखारे मी, थिजल्या अश्रूंचाच हा समुद्र आहे !
मोल त्यांचे कळत नाही, त्यांच्याच अब्रूचा हा लिलाव आहे,
वेचू कशा या राशी मी, भंगल्या स्वप्नांचा हा बनाव आहे !!

- समीर गायकवाड.